寫完上篇後，我本想完全放棄上香港交友網（ECFriend.com)的，點知竟然收到兩位女網友要求交換msn。仔細看看對方的資料，咦！對方條件都唔錯喎。
第一位女網友叫S小姐（徦名），芳齡二十三歲，畢業於師範，現職音樂老師，並且（相中）樣子甜美。前天上午留在辦公室中工作，突然見到S小姐Msn online,當然即時Say Hi啦，並且自我介紹一番，但她好像對我完全無印象的。哈哈！大家可能奇怪佢對我無印象，點解要求add我。我當時都同大家有相同的疑問，所以我看看她在msn的基本資料，發現佢於兩星期內add了近三十個男網友。噢！原來佢正在漁翁散網，我變了其中一條魚仔。不過人吔上得交友網，其實都係想識多D人唧。
傾了大約一小時，S小姐突然問我月入多少，心理打了個突，然後心想：吓！同妳做朋友咋喎，乜同人工有關架？雖然心裏不是味兒，不過都如實答了她有兩萬元以上。點知佢即時態度轉變，十問九唔答，然後話忙後offline了，之後數天也再沒出現了。唔！看來她已把我的msn block了。哈！(苦笑）看來我的收入達不到港女要求了。
另一位女網友叫T小姐，二十九歲，基督徒，從事Finance 工作，樣子端莊。心唸哩個應該好啲啩，因為年紀起碼比S小姐大，思想應該成熟啲嘛。今天下午四時看見她msn online了，傾談幾句後問我做邊行，我如實答工程師，點知佢之後問佢乜都無反應了。咁都得！我而家先知香港女性咁唔鍾意工程師的。
綜觀以上經驗，我真的對這類交友網頁完全失望。不過客觀來說，我不排除有人可以從這途徑找到朋友，如果閣下係月入數萬或是律師、CEO等高級職業。
雖然這幾天遇到兩位極品港女，但我相信只係自己一時運氣差唧，我不相信全香港女性都咁低水平的。下星期我會試其他途徑結識異性。
沒有留言:
張貼留言