自從認識Frances後，我每晚也會收到她的電話，話題是頗廣泛的，有時工作、有時時事、總之很多很多，每晚也傾最少一個小時。老實説，我覺得很累，其實自問對Frances興趣不大，所以漸漸我便用一些籍口不接她的電話了。
經過一星期的逃避，Frances也開始無打電話俾我了，事情好像過去了。
一天，我收到米雪來電，一看已心知不妙。
我：「喂！喂！Mark開邊條仔？」
米雪：「Leslie,近排不是很忙咩，重有時間講笑咩？做乜唔接Frances電話先？」
我：「……傾了幾晚，好像……不太岩傾。」
米雪：「點解？她好像對你印象不錯喎！而且Frances條件不錯讶！為何不試試了解更多呢？」
我：「我也覺得Frances條件很好呀！其實我也試過和她傾了幾晚電話了，但好像只是聽她講野多，没有太多交流的機會。」
米雪停了一會：「咁又係，Frances講時機關槍咁，你同佢講風咩！」
我：「唉！米雪，其實我地人嚟架，妳估好似貓貓狗咁擺理一齊就得咩，如果明知唔夾，無謂勉強啦，開始錯重大件事。」
米雪：「……你都岩既，咁下次見面再傾。bye bye!」
我：「Byebye!」
好慶幸，米雪最後没有生我氣，但經過今次事件後，我開始懷疑是朋友平日只是認識其中一面的我，所以對我不太了解，從而介紹不適合的女仔俾我；還是我平時在朋友面前不是真正的自己，從而令他們不是理解真正的我呢？
沒有留言:
張貼留言