我今次不再是參加214 dating或其他極速派對公司，因今次我想試試較小型的單身約會 - Table for Six.大家可能會問點解轉？
首先大家可能會覺得參加小型約會會見少好多單身異性喎，咁唔低喎，帳面條數的確係咁計，但其實我又覺得我每次去完，就算攞了十多個聯絡資料，到最後我真係會再約對方的，只會有二、三個，咁其實人多未必有用架喎！而且老實講，一晚見十幾二十人真係辛苦架，而且每人只講五分鐘，快來快去，完了又要再約食飯，要用多一餐飯時間，才知傾完完全唔啱，浪費金錢及時間，咁不如在派對時傾多幾句重好，所以選人少的派對，見到合眼緣的可以傾多幾句，因時間不再局限於五分鐘。
另一個原因係食物可以食好點，老實講，我曾經參加過的幾次極速約會，食物水準晋遍較差而且無得揀。但是Table for six多是在一些較高級的餐廳舉行，而且可以隨自己喜好而點菜，因是自費的，所以當普通食飯也可以，當試吓餐廳囉，橫掂自己鍾意食野。
不過最重要一點是可和對方直接交換聯絡資料，因不同於極速約會，約會結束後由主持人收集所有結果後，再經電郵寄給參加者，所以小型約會會較直接。老實講，我每次參加完極速約會後過了一晚才收到結果，我真的已經對見過的人印象摸湖。所以如果參加小型約會遇到喜歡的，當晚已可約對方了，兵貴神速。
好了！上網找資料看看參加那一間，唔！選了一間叫仙履情緣Cinderella，約會是星期三晚上八點至十點，於九龍區一間酒店舉行，甚麼！參加費用七十五元咁平（不包括食物費用。），好！抱着一試無妨的心態參加了。
沒有留言:
張貼留言